Reflexión persoal. Módulo 2
A miña
reflexión persoal sobre o módulo 2 céntrase en dous aspectos fundamentais en
relación aos contidos abordados neste módulo. Por un lado as habilidades
sociais, tan necesarias para afrontar a
busca de emprego e por outro, as habilidades e competencias tecnolóxicas, como
complemento imprescindible para abordar a orientación laboral na actualidade,
tanto dende o punto de vista da persoa orientada como dos profesionais da
orientación laboral.
Cando unha
persoa está buscando traballo, atópase inmersa nunha multitude de emocións que
condicionan sen dúbida o seu comportamento nese proceso e a súa maneira de
abordar o mesmo. Estas emocións afectan en maior ou menor medida a nosa vida
diaria e as nosas relacións sociais.
Unha
persoa que pasa por un longo período de desemprego soe ter unha baixa
autoestima. Para evitar isto é necesario dotar ás persoas desempregadas das
ferramentas necesarias para aprender a motivarse, facendo que sexan conscientes
do seu estado emocional, dos seus puntos fortes e facendo que sexan capaces de
transformar as súas debilidades en fortalezas.
A intelixencia emocional é esa
capacidade de manexar as emocións en beneficio propio, saber recoñecer os
sentimentos propios e alleos e sabelos manexar.
Este
aspecto é moi importante si partimos do que nos di Daniel Goleman no seu libro
“intelixencia Emocional”: Á HORA DE TER ÉXITO NA VIDA, A INTELIXENCIA
COGNITIVA (intelectual) TEN UN IMPACTO DE ENTRE UN 10 E UN 20%, E A
INTELIXENCIA EMOCIONAL ENTRE UN 80 E UN 90%.
Ninguén
pode negar a enorme influencia que exercen as emocións nos nosos pensamentos e
en consecuencia nas nosas condutas e nun proceso de busca de emprego, como
noutros aspectos da vida, é fundamental
tamén un manexo adecuado das emocións.
Non
podemos polo tanto como orientadores pasar por alto este aspecto á hora de
desenvolver o noso traballo e sobre todo, tendo en conta que esta intelixencia
que nos ocupa, NON
É ESTABLE, polo tanto PÓDESE MELLORAR.
Debemos
polo tanto como orientadores/as provocar a motivación e facilitar recursos e
ferramentas para que as persoas que acoden a orientación podan aprender e adestrarse en todas aquelas
habilidades que están relacionadas coa intelixencia emocional e que van a
favorecer que consigan o seu obxectivo profesional.
Estas
habilidades son:
· Autoconciencia:
que aprendan a coñecerse a eles mesmos e a familiarizarse coas súas emocións.
· Xestión das
emocións: Si coñecen as súas emocións, terán que aprender tamén a manexalas.
- · Motivación: as
emocións condicionan a motivación para lograr os obxectivos. A forma de
afrontar a busca de emprego está estreitamente relacionada co nivel de
intelixencia emocional.
- · Empatía: entender
como se sinte a outra persoa para respostar de xeito axeitado.
- · Habilidades
sociais: capacidade de relacionarse cos demais de tal xeito que se consigan o
máximo de beneficios e diminúan as
consecuencias negativas.
E para
favorecer que a intelixencia emocional das nosas persoas usuarias mellore, temos
que motivar e provocar o cambio de actitude ante a busca desde un punto de
vista positivo, proactivo e de implicación persoal.
Pero
para realizar unha orientación integral e adaptada as novas necesidades da
sociedade, a orientación ten que alimentarse cada vez máis do uso das TIC e das
ferramentas web 2.0 para o que se fai necesario o coñecemento e manexo das
competencias dixitais para a orientación laboral.
Atopámonos
nun momento no que a sociedade vive nun permanente estado de revolución e
cambio tecnolóxico como levamos vendo ao longo de todo o curso e os
orientadores non podemos ignorar esta evidencia polo que debemos integrar a
tecnoloxía nas nosas funcións profesionais. Debemos polo tanto xogar un papel
activo como axentes de cambio, contribuíndo a promover e facilitar o acceso aos
recursos tecnolóxicos co obxecto de facilitar a busca de emprego e a autonomía
de uso. Isto producirá un efecto positivo na autoestima e repercutirá na
motivación para afrontar a busca de emprego de xeito máis activo.
Beneficios
dos recursos tecnolóxicos na orientación:
- ·
Constitúen unha
importante fonte de información e recursos
- ·
Facilitan o acceso,
almacenamento, tratamento e difusión de grandes cantidades de información.
- ·
Medio de
comunicación e colaboración interpersoal, rompendo coas barreiras
espacio-temporais.
- ·
Novos entornos de
orientación: a distancia
- ·
Instrumentos de
xestión e administración
- ·
Soportes
específicos de asesoramento
- ·
Mellora no funcionamento
e calidade dos procesos e servizos orientadores.
- ·
Maior motivación
dos destinatarios das accións
- ·
Satisfacción das
novas necesidades das persoas orientadas.
Por
todo o anterior, faise necesario que o persoal de orientación adquira un perfil
profesional no que conflúan as competencias básicas e imprescindibles (de
carácter xeral e específicas), con aquelas de carácter técnico que lle permitirán facer un uso efectivo dos
recursos TIC co fin de dar resposta ás novas demandas formuladas polas persoas
que acoden aos servizos de orientación.
Estas
habilidades tecnolóxicas resultan imprescindibles para o noso traballo xa que
están presentes en todos os ámbitos sociais e implican a necesidade de adquirir
as destrezas técnicas necesarias e a capacidade crítica para facer un uso
adecuado e efectivo das mesmas.